شاعرگویلومده سوز  آخار یاغ کیمی                                           نعره چکیر دهانیمدا    دیل من   سیز

باغلاسالار   بولبول  کیمی  دیلیمی                                       سولار بیر بیر لاله من سیز گول من سیز

ائل اوبانی    وصف ائلیین سوز منم                                            بو یایلایا    دوغرو    گیره ن    ایز منم

او تای   باکی   بو   تایدا   تبریز منم                                            چملی بئله گذر سالماز یئل من سیز

هر یئرده   بیر آدیم   واردی    یادیگار                                           گاه نظامیم    بیر     زاماندا    شهریار

گاه  ده ده کاتیب ام    گاهدا  بختیار                                           یالقیز قالار اوبا من سیز ائل من سیز

آلتایلاردان   قالخیب    گلن   منیدیم                                          دالقا دالقا      آخیب    گلن     منیدیم

داغ    دنیزی   سوکوب  گلن منیدیم                                          گلمز اولسام وطن قالار چول من سیز

آراز   اولدوم   بو  توپراغی سوواردیم                                          قیزیل اوزه ن    فریادینا    سس وئردیم

ساوالاندا     قار    اولوبن       اریدیم                                         اریمزسم    چایدا آخماز سئل من سیز

صایفا صایفا      تاریخلرده    آدیم وار                                         اوغوز خاندان   چوخلو      یادیگاریم وار

ده ده کاتیب      بیرده   شهریاریم وار                                       قهرمانلار    یئرده   قالار  شیل من سیز

ده ده قورقود سازینی   من آلمیشام                                       ماهنیلاری    قوپوزدا    من   چالمیشام

خان چوبانین افسانه سین یازمیشام                                      دوغرو چالماز او سازداکی تئل من سیز

بیر    آغاجام   ییرمی ایکی   بوتاغیم                                      اوزبک قازاق   قیرقیز    تورکی    دایاغیم

آلتایلاردان      آغ       دنیزه    یاتاغیم                                      جهان اولار باشدان  باشا چول من سیز

کاتیب  اوغلو      ارنلرین          ایزینه                                       شرافتلی      شاعرلرین         سوزونه

تاریخلرین            میدانینا      دوزونه                                      پهلوانلار     آچا بیلمز    یول     من سیز

                                                    الده ن گئده ر

ده لی گویلوم اعتبارسیز دونیادا                                  گونلر گئچه ر روزگار الده ن گئده ر

مال مولكه فراحلانیب سئوینمه                                   بیرگون گلیر هر نه وار الده ن گئده ر

وارین اولسابهره آپارگونونده                                        جوانلیقدا قیسمت چاتار یئرینده

قوجالیقدا قالسان ائوین دیبینده                                   ائل ایچینده اعتبار الده ن گئده ر

خوش گونونده بیر آللاهی یاد ائله                                بیر تك یاراداندان سن دیلك دیله

یئل گتیره ن مالی حق وئرر یئله                              حرام یولدان گلن وار الده ن گئده ر

كاتیب اوغلو بیر اینجه بئل بال دوداق                         خومارگوزله ر كمان قاشلارآل یاناق

فلك قویسا بیزده بولاردان داداق                               زمان دولسا گوزه ل یار الده ن گئده ر

قولونجو وبلاگی